Þegar mannúðin er sett á reikning skattgreiðenda

Ríkisstofnanir Bandaríkjanna hafa nú lokað dyrum. Í fréttum er talað um „pólitískan hnút“ og „fjárhagságreining“ sem snýr að heilbrigðisþjónustu. Þetta hljómar flókið. En spurningin sem veldur öllu þessu rugli er í raun mjög einföld:

Eiga bandarískir skattgreiðendur að borga fyrir heilbrigðisþjónustu handa fólki sem er í landinu ólöglega?

Demókratar segja: já

• Þeir vilja halda áfram að fjármagna þjónustu sem nær til ólöglegra innflytjenda – sérstaklega barna, DACA-hópa og þeirra sem lenda í neyðartilfellum.
• Rökin: mannúð og mannréttindi. Enginn á að fá neitun af því að hann hefur ekki réttan stimpil í vegabréfinu.

Repúblikanar segja: nei

• Þeir benda á að skattgreiðendur borgi nú þegar gríðarlegan kostnað vegna landamæralausrar stefnu demókrata undanfarin ár.
• Að bæta þessa heilbrigðisþjónustu ofan á sé ekki mannúð heldur hvati fyrir fleiri að brjóta lögin og koma til landsins ólöglega – og þrengir enn að buddu almennings.

Afleiðingin

• Enginn vill láta undan. Fjárlögin runnu út. Og samkvæmt bandarískum lögum má engin ríkisstofnun starfa án fjárheimilda.
• Útkoman er „shutdown“. 

Hið kaldhæðna í þessu öllu

Eins og alltaf saka fjölmiðlar og andstæðingar Trump hann um að vera einræðisherra og standi fyrir þessum lokunum. En það eru í raun andstæðingar hans sem loka landinu – af því þeir fá ekki sitt.

• Demókratar tala um mannúð – en senda reikninginn á skattgreiðendur sem sjálfir sitja skuldugir upp fyrir haus.
• Repúblikanar tala um lög og reglur – en eru fastir í kerfi sem stöðvast algjörlega ef ekki næst samkomulag vegna þessa máls. 

Stóra spurningin

Kannski er kjarni málsins ekki bara hvort ólöglegir innflytjendur eigi að fá heilbrigðisþjónustu – heldur þetta:

• Af hverju gefa vinstri flokkar, (þ.m.t. hér á Íslandi) sér alltaf leyfi til að eyða skattpeningum í aðra – en ekki í sitt eigið fólk?
• Og af hverju eru skattgreiðendur sjálfir aldrei settir í forgang hjá þeim?