Útvarp Saga – Föstudagur 3. október kl. 14

Ég stýri mínum öðrum útvarpsþætti í dag.

Þemað að þessu sinni er stórt og brýnt:
Hvenær hættum við að kalla ofbeldi andspyrnu – og hvenær verður þögn samsek?

Við byrjum í Gaza þar sem friðartilboð liggur á borðinu, en hugmyndafræði virðist vega þyngra en líf almennra borgara. Hvernig hefur tekist að selja hugmyndina um hryðjuverkasamtökin Hamas sem „andspyrnu“ í Evrópu og á Íslandi?

Síðan förum við til Nígeríu – meginmál þáttarins. Þar hafa islamískir öfgahópar myrt yfir 100.000 kristna og brennt tugþúsundir kirkna. Þetta er eitt alvarlegasta þjóðarmorð samtímans – en samt ríkir algjör þögn í fjölmiðlum og hjá almenningi.

Við tengjum þetta saman í umræðu um tvískinnung fjölmiðla og hugmyndafræðilega síun:
• Af hverju fær Gaza fyrirsagnir dag eftir dag, en Nígería enga?
• Hvað segir þessi þögn okkur um gildi mannréttinda?
• Eru sum fórnarlömb „réttari“ en önnur – eftir því hvort þau passa inn í pólitíska frásögn?

Viðmælandi minn er Sigurður Már Jónsson, blaðamaður, sem nýlega skrifaði sterkan pistil um ofsóknir í Nígeríu.

Stilltu inn á Útvarp Sögu kl. 14, föstudaginn 3. október.